Legjenda Diego Armando Maradona vdiq në moshën 60-vjeçare më 25 nëntor 2020 në Buenos Aires (Argjentinë) dhe që atëherë nuk kanë pushuar polemikat mbi shkaqet e vërteta të vdekjes së tij.
Tani, gati një vit pas vdekjes së ‘El Pelusa’, mjeku dhe gazetari argjentinas Nelson Kastro ka botuar një libër me titull “Shëndeti i Diego: historia e vërtetë’’ ku zbulon detaje rrënqethëse të ndarjes nga jeta të yllit të futbollit.
I ftuar në emisionin argjentinas ‘’El Trece’’, mjeku Kastro ka bërë një deklaratë të bujshme duke u shprehur se Maradona u varros pa zemër.
“Maradona kishte një trup të privilegjuar për sa i përket rezistencës. Problemi është se ai kurrë nuk donte të shërohej vazhdimisht. Një njeri tjetër do të kishte vdekur më përpara.
Ishte një grup i guximshëm që planifikuan të merrnin zemrën e Maradonës. Kjo nuk u realizua sepse ishte një akt guximi i jashtëzakonshëm. Më pas, zemra e tij u nxor për ta studiuar sepse zemra ishte shumë e rëndësishme në përcaktimin e shkakut të vdekjes së Maradonës. Natyrisht informacioni është se ai është varrosur pa zemër.
Deklarat: Zemra e Maradonës peshonte gjysmë kilogrami, ishte një zemër shumë e madhe. Zemra zakonisht peshon 300 gramë, por ishte e madhe për një arsye tjetër, jo vetëm sepse ishte sportist, por për shkak të mosfunksionimit së zemër”, është shprehur Nelson Kastro.
