Supermodelja i është përgjigjur supozimeve se ajo del vetëm me basketbollistë, gjatë ribashkimit të “Keeping up With the Kardashians”, raporton “Yahoo”.
“Jo, unë në fakt nuk dal vetëm me basketbollistë, nëse ka bërë ndonjëri ndonjë studim. Nuk kam turp që pëlqej një lloj tipi dhe gjithashtu jam një tifoze e mirëfilltë e basketbollit”,- tha Kendall.
Jenner konfirmoi për herë të parë publikisht se është në një lidhje me sportistin dhe madje gjërat mes tyre janë serioze.
Lexo edhe:
“Ai është i dashuri im”,- tha ajo, duke e shoqëruar pohimin me një buzëqeshje të ëmbël.
Kendall tha se e ka mbajtur qëllimisht lidhjen e saj larg vëmendjes së mediave dhe syrit të publikut.
“Mendoj se kështu ka funksionuar gjithmonë më mirë për mua. Nuk dua të ofendoj motrat e mia më të mëdha, por mendoj se Kylie dhe unë veçanërisht kemi pasur mundësi që të shohim martesat e motrave, lidhjet dhe ndarjet e tyre që i kanë pasur shumë publike.
Ishte një preferencë personale në një moshë shumë të re. Mendoj se ma ka bërë jetën më të lehtë dhe marrëdhënien tonë më të mirë, për të qenë e sinqertë… thjesht mendoj se është një çështje private dhe nuk dua të gjykoj askënd tjetër”,- përfundoi bukuroshja zeshkane.
