Kanye West i befasoi të gjithë pasi iu referua Kim Kardashian si “gruaja” e tij. Themeluesja e markës KKW reagoi ndaj rrëfimit të ish bashkëshortit të saj, me të cilin nisi divorcin në fillim të këtij viti.
Një burim i afërt zbuloi se Kanye, i njohur tani si Ye, me të vërtetë shpreson se mund të rikthehet me Kim dhe të zgjidhin problemet mes tyre.
Por Kim ka një pikëpamje tjetër se si duket e ardhmja e tyre. Burime të afërta pranë yllit televiziv janë shprehur se Kim nuk është e befasuar nga komentet e fundit të reperit.
“Ajo i di ndjenjat e tij dhe nuk mund t’i ndalojë ato. Kanye e ka të qartë që nuk do të divorcohet dhe dëshiron që ajo ta rishikojë këtë vendim.”
Megjithatë, siç vuri në dukje burimi, Kim u përpoq për një kohë të gjatë për ta bërë martesën e tyre të funksiononte, por përfundimisht nuk mundi. “Kanye ende shpreson që Kim të ndryshojë mendje, por ajo nuk është e interesuar të ribashkohet”, u shpreh burimi.
