Kur na ndajnë pak javë nga zgjedhjet e 25 prillit, kandidatët po mundohen të joshin votuesit me të gjitha mënyrat.
Një rast pikant është ai i Ervin Bushatit, kandidat i PS për deputet në qarkun e Tiranës që mban numrin tre, i cili ka ‘ftuar’ këngëtarin e njohur, po me të njëjtin emër dhe mbiemër, Ervin Bushatin për t’i bërë fushatë.
Ervin Bushati, kandidati ka improvizuar një takim tek studio muzikore ku po këndonte Ervini tjetër, këngëtari, dhe aty kanë bërë disa batuta me njëri-tjetrin, shkruan Vip-magazine.al.
View this post on Instagram
Ju do thoni: Bravo, Ervin! Çfarë ideja, si të vajti në mendje! Super gjetje! Por, mos u nxitoni se ngjarja ka tjetër zanafillë.
Fillon me 4 mars, teksa moderatorja e emisionit ABC e Mëngjesit, Sibora Bitri, ka filluar të këndojë në këndin e kuzhinës këngën e njohur të Ervin Bushatit të titulluar “Jepma mollën”.
Mes batutave me kuzhinieren Florienca Reçin, Bitri u shpreh se këtë këngë e ka kënduar Ervin Bushati, deputeti, madje shkoi deri aty se bëri një krahasim sesi ka ndryshuar ai gjatë viteve.
View this post on Instagram
E gjitha kjo u trajtua në formë shakaje, por kjo i ka pëlqyer kandidatit të PS-së, Ervin Bushatit, dhe e ka përdorur për fushatë.
Megjithatë, kjo nuk ka kaluar pa u vënë re nga moderatorja e ABC, Sibora Bitri, e cila ka ironizuar përmes një komenti në Instagramin e Bushatit.
“Jepni mollet, jepni votat, po jepni dhe burimin e frymëzimit për këtë ide”, shkruan ajo.
VIP-MAGAZINE.AL
