Një grua ka zbuluar se si është që të jetosh në një mal vullkanik për një muaj.
31-vjeçarja Perla Tijerina, nga Meksika, kaloi 32 ditë në Pico de Orizaba, mali më i lartë në Amerikën e Jugut. Ajo tregoi eksperiencën e saj në malin vullkanik dhe se si mbijetoi aty.
“Kishte ditë shumë të vështira, kur mendoja se do të vdisja. Por, ia dola. Mendoja se do të ishte më keq”, thotë Perla.
Meksikania deklaroi se e pati të vështirë përballjen e erërave të forta dhe stuhive elektrike, por me forcën e vullnetit mbijetoi.
“Kur hyja në tendë për të fjetur, ishte e frikshme. Era ishte rreth 80 km/h. Mjekët më kishin thënë më përpara që fizikisht isha gati për këtë aventurë, por problem do të ishte përgatitja mendore. Kështu që, në mal përdora taktika të ndryshme për të mbajtur mendjen të zënë. Lexoja shumë dhe meditoja”, tregon Perla.
Tani, ajo shprehet se ndihet një grua krejt tjetër pas kësaj eksperience: “Ndihem sikur mund të bëj çdo gjë që i vendos qëllim vetes. Më ka bërë që të vlerësoj jetën dhe gjërat që ajo më ka dhënë”.
