Policia e ka konfirmuar se Ibrahim Lici, i njohur si “Fantazma” ndodhej në Shkodër pasditen e 30 tetorit dhe mbeti i plagosur në atentatin në Dobraç.
Eksperti i Kriminalistikës, Ervin Karamuo deklaron “Real Story”, Karamuço është shprehur se njëri prej policëve që kishte mbërritur në vendin e ngjarjes, pak pas atentatit, e njohu Licin. Madje sipas ekspertit efektivët mbetën të shtangur sa “harruan” edhe procedurat elementare që duhen të bëhen në ngjarje të tilla.
“Kur ka mbërritur patrulla e parë e policisë, njëri prej pjesëtarëve të grupit të gatshëm e ka njohur këtë person. Policët shtangën dhe nuk dinin se çfarë bënin, nuk morën masat as më elementare, që janë rrethimi i vendit të ngjarjes, marrjen e dëshmitarëve dhe ky person ka qenë dukshëm i plagosur, i gjakosur, që duhej të ishte shoqëruar menjëherë. I jepej ndihmë në spital, mbahet nën mbikëqyrjes sipas procedurës standard që bën policia. Këto bën policia. Merret një deklaratë, ajo dokumentohet, këtë bënë policia”, tha ai.
Lexo edhe:
Teksa më tej vijoi duke thënë se Lici shkoi në spital ku pyeti mjekët nëse i rrezikohej jeta nga plagët e marra apo jo. Pasi ka marrë konfirmimin e mjekëve se me plagët që kishte marrë nuk rrezikohej jeta ai është larguar nga Spitali i Shkodrës.
“Mos të them që ai person që shikoni ulur aty, është çuar më pas, e ka marrë trupin e vëllait, e ka futur në ambulancë, ka vajtur në spital , aty ka thënë o doktor, a vdes me këto plagë që kam. I kanë thënë ata jo. Ka ikur që andej dhe pastaj ka kërkuar ndihmë në klinika private. Ka shkuar në spital, ka kërkuar ndihme, ka verifikuar në çfarë gjendje është. Ka ikur I shoqëruar nga dy makina madje.”, tha Karamuço ndër të tjera.
