Endrik Beba, i cili njihet si këngëtar i muzikës “LIVE”, është solisti i grupit “Urban Band”. Së fundmi ai i është dedikuar plotësisht profesionit të tij, dhe së shpejti do ta shohim edhe në skenën e Festivalit të RTSH, me një këngë të krijuar nga rrokeri Eugent Bushpepa.
Por Endriku, me sa duket nuk ka të reja vetëm nga ana profesionale, por edhe nga jeta e tij personale.
Ai është ndarë nga partnerja, me të cilën ka edhe një djalë me emrin Liam. Gjatë një interviste në programin “Ditë pas dite”, Endriku nuk foli aspak për ish-partneren e tij.
Kur u pyet lidhur me të birin, ai u shpreh se me të merret më së shumti nëna e tij.
”E ndjek dhe unë djalin por më shumë merret nëna ime, e cila e merr në shkollë dhe mësuesit thonë që është shumë fëmijë i edukuar”, ka thënë këngëtari që mesa duket ka vendosur të kujdeset vetë për të voglin e tij.
Sakaq ditën e sotme ai ka prezantuar të dashurën e tij të re.
