Dafina Zeqirin duket se po e “ndjek” zilia, që pasi publikoi këngën me titullin “Zili zili”. Në fakt këtë herë nuk bëhet fjalë konkretisht për Dafinën, por për fansat e saj. Faqja më e madhe e fansave të Dafinës, është hakuar dhe është mbyllur, gjë e cila ia ka prishur pak humorin këngëtares.
“Është e trishtë të shikosh se si njerëzit/fansat ziliqarë i trajtojnë të tjerët në vend që të shohin punën e tyre… ju lutem njerëz është 2021 mendoj ju/ne, të gjithë kemi shumë punë për të bërë. Shpresoj që kjo pandemi t’ju ketë mësuar të doni dhe respektoni veten më shumë dhe të tërhiqni lumturi dhe sukses për veten tuaj.
Ndaloni së urryeri të tjerët për atë që ju nuk mund të arrinit, sepse ju vendosët të ngacmonit lumturinë e të tjerëve.Unë besoj shumë tek ligji i tërheqjes dhe ndihem shumë keq për ata që raportuan dhe fshinë llogarinë tënde të mëparshme. Kjo do të thotë se po bën diçka që ata do të shpresonin të bënin… njësoj si disa llogari të tjera mbështetësit e mi i krijuan për ta shtyrë artin tim në një tjetër nivel. Mediat sociale ndonjëherë tregojnë vërtetë dobësinë e të tjerëve. Unë jam këtu për të mbështetur fansat e mi dhe t’i ndihmoj (Në të njëjtën mënyrë ata më mbështetën mua)”, ka shkruajtur Dafina.
