Një aksident tragjik ka ndodhur në Suedi, ku ka humbur jetën në moshë të re, Vatan Rama, një 22-vjeçar nga Botusha e Koshares (Kosovë).
Vatani ishte i vetmi djalë në familjen Rama, kështu ka bërë të ditur një familjar i tij, përmes një postimi në Facebook.
“Miq, shokë dhe dashamirë ju njoftoj për nipin tonë VATAN RAMA, tragjikisht humbi jetën në një aksident trafiku në Suedi. E lus Allahun të jesh banor i xhenetit nipi jonë, ishe I vetmi djalë në familje, i hasretit, na e këpute shpitin dajë”, ka shkruar një familjar i tij.
Lexo edhe:
Mediat suedeze kanë treguar se makina e të riut shqiptar ishte përplasur më një kamion. Ngjarja ka ndodhur dje rreth orës 19:00 në një autostradë në Suedi. Policia ka treguar se ishin dashur plot katër orë për t’u marrë me gjithë ngjarjen.
“Makina ngeci në pjesën e pasme të kamionit dhe u desh që policia dhe shërbimi i shpëtimit të punonin deri në orën 23:00 që të përfundonin punën e tyre në zonë”, thuhet në një media suedeze.
Policia ka dhënë edhe disa detaje që dyshohet se kanë çuar deri tek aksidenti. Sipas tyre, i riu nuk e kishte kuptuar me kohë që kamioni që ndodhej para tij kishte frenuar, dhe kështu ishte përplasur.
Christer Fuxborg zëdhënës i Policisë suedeze në atë rajon ka treguar se tashmë kanë filluar edhe hetimet, për të mësuar shkaqet e aksidentit. Është marrë edhe makina e viktimës për të hetuar nëse ka pasur ndonjë problem teknik.
