Këngëtari Ardit Çuni, pas daljes nga “Big Brother Vip”, nuk hezitoi të komentojë hapur shumë banorë të tjerë që ishin pjesë e formatit. Mes këtyre banorëve është edhe aktori Donald Veshaj, i cili në një farë mënyre “eleminoi” Arditin nga gara.
Ky i fundit u eleminua pasi Fifi e çoi në nominim vetëm me Donaldin, i cili asokohe numëronte shumë fansa pas takimit me Borën.
Pasi u eleminua Arditi komentonte shpesh nga studio të ndryshme, lojën e banorëve. Nëpër intervista ai sulmoi Donaldin dhe Fifin duke thënë se mes tyre “kishte një garë të fortë hipokrizie.”
Por si është sot raporti i Ardit Çunit me Donald Veshajn?
Kjo ka qenë kureshtja e një ndjekësi të këngëtarit, i cili hapi një ‘ask me a question’ Instagram. Por Arditi vendosi t’i përgjigjej me pyetje ndjekësit, i cili shkroi edhe se “me Borën e dimë që flet”.
“Pse kur nuk kam folur?”, shkruan Arditi shoqëruar me disa emoji të qeshurash.
Deklaratat e Ardit Çunit për Fifin dhe Donald Veshajn
Në një intervistë të dhënë, Arditi foli për Fifin, të cilën e ka akuzuar se është eliminuar nga shtëpia për shkakun e saj, ndërkohë, nuk la pa thënë diçka dhe Donaldin, për të cilin kishte shprehur disa rezerva dhe më parë.
“Garë e fortë personazhesh për shkak të hipokrizisë. Do të thoja Fifi. Fakti që e gjithë shtëpia zihej për të për shkak të situatës se krijuar me Semin. Donaldi që e quante të sëmurë mendore apo ku di unë. E pas daljes nga shtëpia ti vjen në studio dhe mbështet Donaldin. Më duket hipokrizi që ti del dhe e mbështet më pas. Kjo gjë ka ndodhur edhe me shumë të tjerë jashtë. Unë i di edhe arsyet por thjesht nuk dua të merrem”, tha Arditi asokohe duke mos përmendur më emra të tjerë.
