Këngëtarja e famshme, Britney Spears, ka zbuluar së fundmi se është në proces të shkrimit të një libri autobiografik. Ajo konfirmoi zërat në mediat amerikane, që shkruanin se ylli i muzikës po mendonte të shkruante një libër rreth jetës së saj.
Këtë e zbuloi përmes një postimi në “Instagram”, ku theksoi se libri do të trajtonte ngjarje të dhimbshme nga jeta e saj, të cilat nuk ka mundur t’i thotë më parë.
Spears shkroi se procesi i shkrimit të librit ka qenë “shërues dhe terapeutik”, megjithëse shtoi se kishte qenë e vështirë të tregonte ngjarje të së kaluarës në jetën e saj. 40-vjeçarja shtoi se ka marrë një “qasje intelektuale” në shkrimin e kujtimeve.
