Ditën e sotme ka nisur sezoni i ri i “Wake Up”, i cili ka ardhur me ndryshime. Tashmë publiku do të zgjohet së bashku me Blendi Salaj, Enxhi Nasufi dhe Neada Muça, të cilët janë moderatorët e emisionit të mëngjesit në Top Albania Radio dhe Top Channel.
Ata kishin zgjedhur që të ftuarit e parë të ishin dy moderatorët e sezonit të kaluar të “Wake Up”, Ori Nebijaj dhe Isli Islami.
Duke qenë se publiku ishte mjaft i lidhur me ata të dy, ata thanë se nuk ndodhi asgjë që u larguan nga “Wake Up”, por ishte momenti i duhur që të merrnin këtë vendim.
“Është mirë që të largohesh në momentin e duhur, edhe pse je në momentin e mirë të punës. Do na mbetet një kujtim jashtëzakonisht i bukur”, tha Ori Nebijaj.
Kjo e fundit shtoi se pa përfunduar “Wake Up” ka nisur bisedimet për sezonin e ri.
“Unë nisa punimet me ‘Pushimet On Top’. Është i lodhshëm dhe shumë i bukur. Tani që ka mbaruar, mbetet ana e bukur, lodhja harrohet.
Sezoni i ri padyshim që ka të reja. Është përfolur për “Për’puthen”. Do të jetë me shumë të reja, e shumë mundësisht mund të jem edhe unë pjesë. Nuk i dihet asnjëherë. Unë them se po”, tha Nebijaj, duke konfirmuar se do të jetë moderatore e programit të dashurisë.
