Mbrëmjen e djeshme në programin “E ardhmja është vajzë” në ABC, ishte e ftuar moderatorja Ori Nebijaj ku ndau me publikun momentin më të vështirë të jetës së saj që, është humbja e babait.
“Ndarja nga jeta e babait tim ka qenë momenti më i vështirë në jetën time. Ndodhi shumë shpejt, askush nuk e priste pasi ai ishte shume i shëndetshëm, aktiv me energji te paparë. Kuptova çfarë kanë dashur njerëzit të thonë kur kanë treguar se nga dhembja ju është shembur tavani mbi kokë, ishte vërtetë ashtu“, nisi rrëfimin e saj Ori.
Ajo tregoi se humbja e tij ishte shumë e vështirë për të, dy motrat dhe nënën.
Marrëdhënia e ngushtë e aq speciale i bëri të ndaheshin jo vetëm nga babai, por nga një shok, mentor, këshillues dhe mbështetja e tyre më e madhe.
“Ai ishte i veçantë, luante me ne, ishte shok, ishte baba, flisnim me të. Kujtoj gjithmonë puthjen e mëngjesit. Ishte personi që merrja të parin në telefon nëse më ndodhte diçka. Këshilla e parë që doja të dëgjoja ishte prej tij sepse asnjëherë nuk më bënte të ndihesha e detyruar të bëja diçka se ai e mendonte ashtu, me jepte mundësinë të zgjidhja vetë“, tha Ori Nebiaj.
