Policia e Kosovës ka zhvilluar një aksion të enjten në mëngjes në ambientet e Ministrisë së Mjedisit, Planifikimit Hapësinor dhe Infrastrukturës në Prishtinë.
Zëdhënësi i Policisë, Baki Kelani, bëri me dije se aksioni po kryhet me autorizim të Prokurorisë kompetente dhe hetimet janë të përqendruara mbi disa persona të dyshuar për keqpërdorim të detyrës zyrtare.
Hetimet janë ende në zhvillim dhe autoritetet nuk kanë dhënë detaje të tjera lidhur me çështjen.
“Pas përfundimit dhe kompletimit të zhvillimeve policore, në bashkëpunim dhe koordinim me organet e drejtësisë mund të bëhen publike informacione shtesë”, u shpreh Kelani.
