Cappadocia ose siç njihet ndryshe vendi i balonave ndodhet në zemër të Turqisë.
Ky vend kaq i preferuar nga turistët e huaj është një peisazh shkëmbor i mrekullive natyrore dhe aftësive njerëzore.
Formuar fillimisht nga shpërthimet dhe erozioni vullkanik, tashmë karakteristikë e tij janë qytetet nëntokësore dhe shkëmbinjtë me gurë vullkanik të quajtur “Pribacalari ose e thënë ndryshe oxhaqet e zanave”.
Tashmë ky është një vend i Trashëgimisë Botërore ku historia kulturore dhe politike është e mjaftueshme për të tërhequr të gjithë në rajon, por ajo që i sjell më së shumti turistët në këtë vend është shansi për ta parë këtë qytet të mahnitshëm sipër një balone.
Cappadocia është njohur me emra të ndryshëm si pasojë e veçantive që ka si destinacion. Por e veçanta e këtij qyteti janë guvat dhe qytetet e vogla nëntokësore të cilat janë zbuluar për herë të parë, ato ishin të ndërtuara nëntokë, në sajë te gërmimeve, duke qene te pajisura me kuzhina, stalla për kafshët, varreza dhe kisha.
Ky qytet në zemër të Turqisë strehonte plot 40.000 njerëz. Tashme këto guva janë kthyer në hotele luksoze ku mund të kaloni netët kur vizitoni qytetin e bukur të Capadocias.
Ju besohet që në mes të Turqisë, në një vend te tillë të jenë zbuluar më shumë kisha se çdo vend tjetër?! Mos humbisni pra përvojën e një prej 25 vendeve më të paimagjinueshme ne botë.
