Butrint Imeri e ka gjetur veten së fundmi me një “biletë të artë” vëmendje në dorë, teksa është përfshirë dashje padashje (po më shumë me dashje) në lojën e ish-partneres së tij Kiara Tito në “Big Brother”. Ishte vetë moderatorja që disa ditë më parë foli për lidhjen e tyre në shtëpinë më të ndjekur në Shqipëri, ndërsa këngëtari më pas “trazoi ujërat” duke postuar një foto të saj si “mbretëreshë”.
Prime-n e shkuar të programit u mendua se do ishte kulmi i kësaj historie, teksa publiku, falë edhe disa postimeve të Butrintit, mendoi se artisti do surprizonte moderatoren me rastin e datëlindjes së saj. Gjithsesi kjo nuk ndodhi, edhe pse në media e rrjetet sociale është përfolur se në fakt kjo ishte planifikuar të ndodhte, por në momentin e fundit nuk ishte realizuar.
Gjithsesi Imeri nuk ka ndërmend ta lerë këtu momentin e tij dhe sot ka bërë një premtim për ndjekësit në Instagram( dhe për të gjithë të tjerët). Ai thotë se të shtunën do na japë “befasinë që e presim prej kohësh” dhe duke qenë se të shtunën është Prime i radhës i “BBV”, kjo mund të jetë edhe surpriza për Kiarën.
Ose mund të jetë thjeshtê një këngë e re që po merr super promovim nga Butrinti. Madje me shumë gjasë është kjo e fundit duke parë reagimin e tij të sotëm për “gojët e liga”, që mund të nënkuptojë se ai nuk e ka në plan të shkelë në “BBV”.
