Beniada ka treguar për Meridianin disa nga sakrificat që i është dashur të përballojë me qëllim shkollimin e saj.
Ajo ka treguar se ekonomia e familjes së saj nuk mund të përballonte totalisht shpenzimet e shkollimit të Beniadës.
Për këtë arsye asaj i është dashur të punojë në mënyrë që të mos vërë në vështirësi prindërit.
Lexo edhe:
“Shkolla ime ishte shumë e shtrenjtë dhe kishte libra që unë nuk i blija dot. Vitin e parë ma paguan prindërit por të dytin vendosa që ta paguaja vetë. Kam punuar në një diskotekë si kasiere. Ishte shume e lodhshme dhe babi im e urrente atë gjë.
Unë kthehesha në orar shumë të vonë dhe babit i dukej shumë e rrezikshme. Duhet të isha shumë e kujdesshme që të mos bëja asnjë gabim në llogari, sepse edhe sikur 10€ të dilnin me mangësi, përsëri do detyrohesha t’i lija nga rroga ime”,- tha ajo.
Por duket se kjo ndjenjë pëgjegjësie ishte ushqyer te Beniada që në fëmijëri.
Nëna e saj ka bërë një koment në rrjetet sociale ku tregon se e merrte atë gjithmonë me vete në punë.
”E merrja gjithmonë me vete kur shkoja në punë. Kishte vetëm 12-vjeçe”, shkruan nëna e modeles shqiptare.
Beniada është ndër të paktë konkurrentë që nuk ka takuar ende asnjë familjar brenda Big Brother. Vetë ajo ka treguar se kjo nuk është hera e parë që largohet prej tyre, pasi për shkak të punës i është dashur shpesh të qëndrojë larg familjes. /Vip-magazine.al/
