Beniada Nishani, modelja e njohur që u bë mjaft e dashur për publikun shqiptar gjatë eksperiencës së saj në Big Brother Vip, po jeton një histori dashurie me vëllain e Arbër Hajdarit, Blerti Hajdari.
Modelja dhe futbollisti duket se janë njohur bashkë në programin ku ajo u bë pjesë pas përfundimit të eksperiencës në shtëpinë më të famshme në Shqipëri, “Procesi sportiv”.
Por si ka nisur njohja e tyre
Vip Magazine bëri një kërkim në rrjetet sociale, ku rezulton se në profilin e Blertit ka edhe një foto të tij me Beniadën dhe duhet ta themi se të dy bashkë bëjnë një çift mjaft të bukur.
Nga ana tjetër, duket se ata gëzojnë edhe bekimin e vëllait të Blertit opinionistit të njohur Arbër Hajdari që e kishte dalluar Beniandën gjatë eksperiencës së saj në Big Brother për natyralitetin dhe spontanitetin.
Modelja ishte e ftuar edhe në dasmën e Arbrit dhe Vlerës, bashkë me kushërirën e saj e cila nuk mungon në asnjë dalje të modeles.
Pak muaj më parë Arbri ishte i ftuar në emisionin ‘Procesi Sportiv’ përballë vëllait të tij, ku Ed Manushi e pyeti në lidhje me të vëllanë. Ai i tha nëse vë re ndonjë ndryshim te Blerti gjatë kësaj periudhe, ndërsa Arbri u përgjigj shkurt ‘Mirë më duket’, duke shkaktuar të qeshura në studio. Por publikut i shpëtoi ky detaj në atë kohë pasi nuk dihej ende se mes sportistit dhe modeles kishte nisur një histori dashurie.
Vip-Magazine.al
