Aksident gjatë xhirimeve/ Vdesin aktorët e një seriali, plagosen disa të tjerë

Dy aktorë kanë humbur jetën dhe gjashtë anëtarë të tjerë të setit janë plagosur pas një aksidenti me makinë në Meksikë teksa po shkonin të zhvillonin xhirimet e serialit të Netflix, The Chosen One .

Sipas  Deadline , një furgon që transportonte disa nga aktorët dhe anëtarët e setit e  The Chosen One u përplas dhe u rrokullis në një rrugë të shkretë në gadishullin Baja California Sur.

Dy anëtarë të kastit mbetën të vdekur në vend, ndërsa gjashtë anëtarë të tjerë të setit ndihmues u plagosën. sipas HuffPost , viktimat janë aktorët meksikanë Raymundo Garduño Cruz dhe Juan Francisco González Aguilar.

Sezoni i ri i serialit  Chosen One është i ndryshëm nga projekti i mëparshëm me të njëjtin emër në platformë, një program portugez që tregon se si  disa mjekë zbulojnë një kult në një fshat të largët.

Lexo edhe:

Grabitja e shekullit! Çfarë ndodh nëse grabitësit e muzeut të Luvrit nuk kapen brenda 7 ditësh

Australia ndalon të gjitha mediat sociale për fëmijët nën 16 vjeç

Priten vonesa në aeroportet e Europës: Të dielën nis kontrolli me gjurmë gishtash të pasagjerëve

Zbulimi tronditës/ E torturuar për orë të tëra në bodrum nga vajza e adoptuar, çfarë i ndodhi kryebashkiakes në Gjermani

Sezoni i ri tregon historinë e një djali 12-vjeçar i cili zbulon se ai është Jezu Krishti i rimishëruar. Është një përshtatje e serisë së librave komik të vitit 2004  American Jesus , krijuar nga Mark Millar dhe Peter Gross.