2021 do jetë viti i saj. Kështu ka deklaruar më herët këngëtarja e njohur, Enca Haxhia, e cila ka shtuar se do ta shijojë në maksimum këtë vit. Në kohën kur ishte me pushime në vendin luksoz, Dubai, ajo u premtoi fansave se do të sillte këngë të reja.
E kur fansat e saj po presin me padurim projektin e radhës, Enca i habiti të gjithë me një postim që bëri në profilin e saj në “Instagram”. Ajo shfaqet e përqafuar me një mashkull, identitetin e të cilit nuk e tregoi.
Por pavarësisht kësaj, fansat menjëherë dyshuan se ai ishte ish-konkurrenti i “Për’puthen”, Beart Rexhepi. E në fakt ai është. Pasi Enca ka publikuar së fundmi një tjetër foto në “Instastory” ku shfaqet pikërisht Bearti, i cili mesa duket do të jetë pjesë e klipit më të ri të këngëtares.
