Të gjithë menduan se Mevlan Shaba dhe Lediana Prenga ishin një çift perfekt dhe do dilnin bashkë nga “Përputhen”. Ata jo vetëm që nuk u lidhën pas largimit nga programi, por shkëputën çdo kontakt.
Megjithatë, ish-konkurrentët e “Përputhen” kanë replikuar në distancë dhe s’kanë munguar mesazhe drejtuar njëri-tjetrit.
Së fundmi, i ftuar në Prive, Melvan Shabës iu kërkua t’i përgjigjej Lediana Prengës në lidhje me deklaratat e saj.
“E bukur sikur zana”– këndoi ai, duke treguar se akoma ka pëlqim ndaj saj, duke shtuar se nuk është bërë pishman që i dedikoi këngën e personalizuar.
Ndërsa për sa i përket ish rivales së Ledianës, Antonela Berishës, Mevlan Shaba tha se mes tyre ka vetëm shoqëri dhe për herë të fundit janë takuar rreth 10 ditë më parë.
Këngëtari u shpreh se nëse do kthehej pas në kohë do ishte martuar 25-vjeç por kurrsesi me një vajzë që nëna e tij s’do e pëlqente.
“Të isha kthyer edhe njëherë mbrapsht do isha martuar 25. Por s’do martohesha me dikë nuk i pëlqen mamit”, tha ai, duke shtuar se tradhtinë nuk do e falte kurrë.
Ndërsa pyetjes se kur ka kryer për herë të fundit marrëdhënia seksuale, iu përgjigj: “Sot në mëngjes”.
