Vendi do të shijojë një ditë tipike vjeshte me mot të kthjellët dhe temperatura të buta në të gjithë territorin.
Sipas parashikimeve meteorologjike, orët e para të mëngjesit do të jenë të freskëta, me temperatura që variojnë nga 9 deri në 12 °C, ndërsa qielli do të jetë kryesisht i kthjellët. Me kalimin e orëve, pritet një ngrohje graduale dhe rritje e ndjeshme e temperaturave, duke arritur në 18–20 °C në orët e mesditës, sidomos në zonat bregdetare dhe në ultësirën perëndimore.
Në orët e pasdites, do të ketë alternime kthjellimesh me vranësira të lehta kalimtare, por pa reshje. Moti pritet të mbetet i qëndrueshëm edhe në mbrëmje, me temperatura që do të zbresin sërish në 10–13 °C, duke sjellë një ndjesi më të freskët në zonat malore.
Era do të fryjë e lehtë nga drejtimi veriperëndimor me shpejtësi 10–20 km/h, ndërsa deti parashikohet i qetë me forcë 2 ballë.
