Messi është martuar me dashurinë e tij të fëmijërisë më 2017, familja e të cilëve për momentin jeton në Paris.
Lionel Messi u largua nga qyteti i lindjes sa ishte fëmijë, në mënyrë që t’i bashkohet Barcelonës, por lidhja e tij me qytetin mbeti e fortë.
Por, kush është Antonella dhe si u njoftua ajo me shtatë herë fituesin e Topit të Artë. Këtu mund të shikoni disa të dhëna interesante për të.
Kush është Antonella Roccuzzo?
Roccuzzo lindi në Rosario, sikurse Messi dhe është shoqja e yllit të Paris Saint-Germain që në fëmijëri dhe i takon familjes së Lucas Scaglia.
Messi ka reputacionin e një djali të turpshëm – sidomos gjatë kohës së rinisë së tij – por thuhet se ka qenë i lidhur me Antonellan që në moshë të re ku e ka vizituar shtëpinë e familjes Scaglia në mënyrë që të këtë mundësinë që ta shikonte atë.
Ajo ndoqi Universitetin në Argjentinë – duke studiuar odontologji para se të kalonte në komunikim social – pastaj ajo ikë për në Barcelonë për t’ju bashkuar Leos. Tani ajo është më e fokusuar në rritjen e tre djemve të saj – Thiago, Mateo dhe Ciro – viteve të fundit, por ajo ka edhe një linjë të këpucëve të cilën e ka në partneritet me Sofia Balbi, gruan e Luis Suarez.
Sipas Infobae, lidhja e Antonellas me Leon lulëzoi pasi që Messi u rikthye në Rosario për ta ngushëlluar atë pas vdekjes së një shoku të tyre në një aksident trafiku. Kjo thuhet se ka ndodhur më 2007, por lidhja e tyre u mbajt private dhe sekrete për disa vjet.
Në përgjithësi, Antonella vazhdon të qëndrojë jashtë fokusit të mediave – edhe pse ajo ka më shumë se 19 milionë ndjekës në Instagram.
34 vjeçarja është e njohur po ashtu si shoqe e ngushtë e gruas së Suarez, Sofia dhe partneres së Cesc Fabregas, Daniella Semaan.
Sa fëmijë kanë Lionel dhe Antonella?
Leo dhe Antonella kanë tre djemtë: Thiago – lindur më 2 nëntor 2012 – Mateo – i cili është lindur më 11 shtator 2015 dhe Ciro i cili erdhi në këtë botë më 10 mars 2018.
Messi, për nder të tyre ka bërë tatuazh emrat e fëmijëve të tij në trup dhe po ashtu ka emrat e djemve të tij në atlete. Padyshim, një baba krenar ku gjithmonë shpërndan fotografi me familjen e tij në Instagram.
Kur u martuan Messi dhe Antonella?
Duke qënë në lidhje për rreth nëntë vite dhe me dy fëmijë në atë kohë, Messi dhe Roccuzzo me në fund u martuan më 30 qershor 2017 në një ceremoni në qytetin e tyre të lindjes, Rosario.
Një numër i zyrtarëve të klubit dhe shokë të skuadrës ishin në këtë dasmë që u mbajt në City Center, një kompleks hoteli dhe kazino ku ata e festuan ditën e tyre të madhe.
Dasma u ruajt nga një skuadër e madhe e sigurimit që udhëhiqej nga një ish oficer ushtrie i Argjentinës, me fansat që ju lejua ta shikonin atë përmes transmetimit të drejtpërdrejt.
Po ashtu, kishte një ceremoni të vogël që u mbajt në Barcelonë për ata të cilët nuk kishin mundur të udhëtonin në Amerikën Jugore, por detalet se kush ishin nuk u konfirmuan.
Messi dhe Antonella jetuan së bashku në Kataloni derisa në transferimin e papritur të Messi në Paris gjatë verës së vitit 2021.
Barça nuk ishte në gjendje që të përballonte një kontratë të re për kapitenin tyre emblematik, kalimi në PSG u bë si një lojtar pa kontratë – me dy vite kontratë në skuadrën e Parc des Prices do të thotë se ai do të kërkojë sukses deri në vitin 2023 dhe atëherë mund të rikthehet përsëri në vendin ku u rrit si lojtarë.
