Një rast i rrallë është zbuluar nga mjekët për shqiptarin në Kosovë. “Dailymail” flet për rastin e një 67-vjeçari, i cili ka lindur me organe femërore dhe mashkullore.
Mjekët që operuan në “hernien” e babait të tre fëmijëve u befasuan kur zbuluan se fryrja në ijë nga e cila ankohej ai, në të vërtetë ishte diçka tjetër. Kirurgët inspektuan masën 15 cm me 10 cm, vetëm për të zbuluar një mitër dhe vezoret që kishte brenda saj, duke e bërë kështu rastin e parë me “Mullerian Persistent (PMDS)” – një gjendje jashtëzakonisht e rrallë që ndodh kur burrat kanë gjithashtu organe riprodhuese femërore. Vetëm 200 raste janë raportuar në literaturën mjekësore të botës.
Të gjitha fetuset kanë në fillimet e tyre mitra, të njohur si kanali Mullerian, i cili prishet në momentin kur fillojnë që të zhvillojnë gjininë e kundërt. zhvillimin e hershëm të meshkujve. Por në raste shumë të rralla kjo nuk ndodh, ndaj dhe disa meshkuj lindin me të dyja organet riprodhuese. Megjithtë organet femërore zakonisht nuk zbulohen nëse nuk kryhet operacioni për të trajtuar masën, siç ishte edhe rasti në Kosovë.
Pacienti vuante nga një gungë prej 10 vitesh që bëhej më e madhe kur ngrihej në këmbë ose kollitej, por rrafshohej kur shtrihej. Megjithatë, nuk është e qartë nëse ai e kishte pasur gungën që nga lindja apo është zhvilluar gjatë rritjes së tij.
Njerëzit me PMDS janë në rrezik më të lartë për të qenë infertilë, por mjekët vunë re se gjendja e pazakontë nuk ndikoi kurrë në aftësitë riprodhuese të pacientit, pasi ai kishte tre fëmijë dhe një organ mashkullor të zhvilluar mirë.
