Faqja zyrtare e “Big Brother Vip Albania” sapo ka publikuar datën zyrtare se kur do të nisë reality-show i cili pas një kohë të gjatë pauze, rikthehet në ekranin e Top Channel dhe në një format të ri: me personazhe vip.
Prej kohësh në mediat online dhe në rrjetet sociale diskutohet për banorët e mundshëm që do të jenë, detaje rreth këtij programi dhe shumë detaje të tjera.
Ajo që bëri përshtypje është guida e Top Channel, në të cilën është e listuar me 1 tetor në orën 21:00 “Big Brother Vip”, ndërkohë në rrjetet sociale sapo u dha lajmi që do të nisë me 5 tetor.
Mësohet se synimi i produksonit ishte që të fillonte me 1 tetor, megjithatë duket se kjo datë nuk është arritur dot duke bërë kështu që Big Brother Vip të fillojë me 5 tetor.
