Në 48 orët e fundit, një nga lajmet më të bujshme ka qenë që Gjesti mund të performojë në ndeshjen Shqipëri-Serbi në Air Albania!
Ishte një video e Gjestit ajo që nxiti zërat e shumte duke u kthyer në temë diskutimi edhe në panelet mediatike sportive të Kosovës.
Por në një reagim nga FSHF për Vip Magazine, mësohet se diçka e tillë nuk është diskutuar nga organizatorët. Me gjasë Gjesti do ta ndjekë ndeshjen nga shkallët e stadiumit, sikurse mijëra tifozë të tjerë.
Gjatë qëndrimit të tij në Big Brother, Gjesti u komentua lidhur me kombëtaren shqiptare pasi mori një mesazh nga ylli i kuqezinjve, Armando Broja.
Vetë Gjesti tha se nuk e njihte sulmuesin shtatlartë, ndërsa ishin banorët ata që i treguan për kë bëhej fjalë!
