Vendet më të bukura të Evropës me siguri janë në listën tuaj të udhëtimeve. Megjithatë, ashtu si qytetet e njohura, ka disa vende të vogla që ia vlen të vizitohen për arkitekturën, historinë dhe kulturën e tyre.
Giethoorn – Holandë
Lexo edhe:
Është një fshat i përsosur përrallor që të kujton Venecian në Itali me planimetrinë e rregullt dhe urat e vogla. Mund të lundroni nëpër kanalet e qeta të fshatit me varka dhe të bëni një shëtitje buzë lumit.
Guimaraes – Portugali
Guimaraes është kryeqyteti i parë i Portugalisë në shekullin e 12-të dhe vendi që e ka ruajtur më shumë historinë e tij. Me rrugët e qeta, manastiret, pallatet e vjetra dhe vendet historike është një nga vendet më të bukura që mund të shihni.
Roscoff – Francë
Roscoff është një nga qytetet më të bukura në Francë. I ndërtuar në një gadishull të rrethuar nga Kanali Anglez, Roscoff është një qytet i vogël plot me shtëpi të dekoruara. Ky qytet, i cili është edhe port por edhe vendpushim bregdetar, i magjeps ata që e shohin.
Anghiari – Itali
I njohur për betejën e famshme të Anghiarit, vlerësohet si një nga fshatrat më të bukur në Itali. Dritaret e vogla, grilat prej druri dhe dyert e shtëpive prej guri me pamje nga rrugët, i japin fshatit një ndjenjë historie.
Nafplion – Greqi
I vendosur në jug të Athinës, Nafplio është kryeqyteti i parë i Greqisë dhe konsiderohet si një nga qytetet e saj më romantike. Është një vend që të tërheq me rrugët e tij prej guri, çatitë me tjegulla dhe lulet shumëngjyrëshe që gjenden kudo.
Mostar – Bosnje Hercegovinë
I vendosur në brigjet e lumit Neretva, Mostari është qyteti më i madh i Hercegovinës. Ura e famshme e Mostarit, e cila i dha emrin qytetit, është një nga vendet që tërheq më shumë vëmendjen për arkitekturën dhe historinë e veçantë.
Mazara del Vallo – Itali
Mazara del Vallo është një vend në jugperëndim të ishullit italian të Siçilisë, me qendrën e tij historike relativisht të ruajtur mirë të rrethuar nga mure pushtuese normane.
Clovelly – Angli
Një fshat i veçantë në zonën zonën Torridge të Devon, Angli. Tërheq gjithashtu shumë turistë me rrugët e tij të pjerrëta me kalldrëm.
Dinkelsbühl – Gjermani
Dinkelsbühl është një qytet historik në Gjermaninë jugore. Kishat gotike, dyqanet dhe stidot e artistëve e bëjnë atë një pasuri të historisë dhe artit.
Korcula – Kroaci
Ishulli Korcula ndodhet në veri të Dubrovnikut, pikërisht përtej gadishullit Peljesaç. Qyteti i vogël mesjetar tërheq turistë me plazhet e mrekullueshme, vreshtat dhe ullishtet e tij. Qyteti historik brenda mureve është një Dubrovnik në miniaturë me rrugët e tij labirintike, urat e harkuara, kishat dhe pallatet.
Kenmare – Irlandë
Kenmare është një qytet i vogël në jug të Kerry, Irlandë. Qyteti ka ruajtur origjinalitetin e tij evropian historikisht, kulturalisht dhe mjedisin. Me fushat e golfit, zonat e ecjes dhe peizazhet magjepsëse, është një nga atraksionet e Irlandës.
Reine – Norvegji
I përshkruar nga shumica e udhëtarëve si fshati më i bukur në botë, Reine është një vend i vogël i ndërtuar në ishullin Moskenesoya mbi Rrethin Arktik. Në Reine, njerëzit qëndrojnë në kasolle të kuqe dhe të bardha, të mbështetur në kodrat e granitit.
Regencos – Spanjë
Regencos është një nga vendet ku turistët tregojnë interes të madh në Spanjë. Është një vend i qetë dhe paqësor me kisha dhe shtëpi tradicionale prej guri.
