Vala e të nxehtit me origjinë nga Afrika ka përfshirë sërish Shqipërinë. Temperaturat janë rritur ndjeshëm duke nisur nga e enjtja dhe sipas meteorologëve do të kulmojnë të premten ku në zona të caktuara të vendit parashikohet ti kalojnë 40 gradë celcius.
“Sot presim 41 gradë celcius në Elbasan dhe Berat, por me fresk Shkodra. Neser presim temperatura të larta , zgjerohet harta, Shkodër, Tiranë, Fier, Berat, Elbasan, Gjirokastër. Nuk ka ndonjë ndryshim nga sot nesër vetëm në vlerat maksimale, mund të arritj 42 gradë nesër në Elbasan.
Të tjerat mbeten 40- 41, shumë qytete 39 gradë. Madje parashikohet mjaft nxehtë në Vlorë bregdet që është pak më freskët, 36 -37 gradë celcius në zona malore, Kukës dhe jo më shumë se 32 – 33 gradë celcisu Korçë që do jetë më fresk këto ditë.”
Lexo edhe:
Parametri I erës lehtëson pak temperaturat e larta, por sipas meteorologëve përballë rrezikut për zjarre në disa zona të vendit nxit përhapjen e flakëve.
“Kemi një erë mesatare, herë pas herë dhe e fortë që bën të ndjehet pak më freskët, por nëse do kemi vater zjarri në ndonjë zonë , sidomos qarku I Vlorës, kryesisht veriperëndimi Shkodra dhe Lezha që herë pas here kanë një erë mjaft të fortë kjo e favorizon duke zgjeruar hartën e zjarrit.”
Rënie të temperaturave pritet të dielën. Por kjo do të zgjasë pak. Pasi meteorologët parshikojnë rikthim të të nxehtit afrikan dhe në fund të korrikut dhe fillim të gushtit.
“Parashikohet që të kemi te dielën një tërheqeje të valës ku do kemi freskim që do të zgjasë për disa ditë deri ne 25 -26. Ditët e fundit të korrikut dhe fillim I gushtit kemi sërish aktivizim të masave të nxehta afrikane.”
Ndërkohë vranësirat do të jenë të pranishme ndërsa të enjten rrebeshet pritet të mos mungojnë në zona të izoluara . Te premten do të ndërpriten për tu rikthyer fillimin e javës së ardhshme në veri dhe verilindje.
