Dashi
Mërkuri dhe Neptuni do ju nxitin të jeni dëgjues të mirë gjatë kësaj dite dhe do ua vini veshin këshillave që do iu jepen. Për ju të dashuruarit kjo e sotmja do jetë e mbushur me pasion të zjarrtë. Do ndiheni pafundësisht mirë dhe nuk do keni çfarë të kërkoni më tepër nga yjet. Ju beqarët do hallakaten kot së koti dhe nuk do arrini dot të afroheni me dikë. Në punë do dini t’i mbroni më së miri idetë që keni dhe do bëni të pamundurën për t’i bërë të tjerët t’i pranojnë ato. Do jeni vërtet të pandalshëm. Me shpenzimet duhet të jeni më realistë dhe do e mbani gjithë kohës situatën nën kontroll.
Demi
Gjatë kësaj dite do e keni paksa të vështirë të gjeni ekuilibrin, por kur ta gjeni gjithçka ka për të lulëzuar. Për ju të dashuruarit e sotmja do jetë e mbushur me surpriza të njëpasnjëshme. Zemra do ju rrahë aq fort sa ndonjëherë do ju duket sikur do ju shpërthejë nga gëzimi. Ju beqarët do jeni goxha kapricozë dhe nuk do arrini dot ta gjeni personin e përshtatshëm. Në punë do bëni përpjekjet tuaja për ta përmirësuar situatën, por jo çdo gjë do jetë në dorën tuaj. Mos e humbisni për asnjë çast durimin. Me shpenzimet duhet të jeni sa më vigjilentë në mënyrë që të mos keni probleme as më vonë.
Binjakët
Gjatë kësaj dite do doni të sfidoni të pamundurat dhe do jeni të pandalshëm. Nëse keni një lidhje duhet të mendoheni gjatë dhe duhet të bëni atë që është më e mira për lidhjen tuaj. Të tjerët dëgjojini me kujdes, por vendimet merrini vetë. Ju beqarët do gjendeni përballë zgjedhjesh shumë të vështira dhe nuk do dini çfarë hapash të hidhni. Nuk do jetë dita juaj më me fat. Në punë ngarkesa do jetë edhe më e madhe duke qenë se do mungojë një koleg. Punën e tij do duhet ta përfundoni ju. Gjithsesi nga e gjithë kjo do merrni shpërblime. Në planin financiar situata do ndryshojë si me shkop magjik.
Gaforrja
Do jeni shumë të ndërgjegjshëm për çdo gjë që keni bërë deri më sot dje mundet të merrni edhe vendime me rëndësi. Për ju të dashuruarit e sotmja do jetë entuziaste. Me partnerin do ndiheni për mrekulli dhe do merrni disa vendime të rëndësishme. Ju beqarët do hallakateni kot dhe nuk do arrini dot ta gjeni princin tuaj të kaltër. Keni për të humbur mundësi të jashtëzakonshme. Në punë do iu ofrohen mundësi të shkëlqyera për të ecur më para në karrierë. Shfrytëzojini ato sa më shumë që të mundeni. Në planin financiar do keni vështirësi të njëpasnjëshme dhe me zor do i kryeni edhe shpenzimet më të nevojshme.
Luani
Edhe pse jo gjithmonë do keni reflekse të mira, në përgjithësi dita e sotme nuk do jetë e keqe. Për ju të dashuruarit e sotmja do jetë shumë e trazuar. Do jeni të palogjikshëm të dyja palët dhe nuk do merreni vesh për asgjë me njëri-tjetrin. Ju beqarët do jeni në kërkim të dashurisë gjatë gjithë ditës, por vetëm në mbrëmje do iu jepen mundësi të mira. Në punë, marrëdhënia me disa eprorë nuk do jetë e mirë dhe kjo do ju vendosë më nën presion. Kujdes me çdo hap që do hidhni. Në planin financiar duhet patjetër të reflektoni gjatë para se të kryeni shpenzime sepse çdo gabim i vogël mund t’iu kushtojë shtrenjtë.
Virgjëresha
Gjatë kësaj dite mund të keni edhe ndryshime humori dhe nuk do ndiheni shumë të qetë. Për ju të dashuruarit do ketë disa incidente të vogla, por pas një periudhe reflektimi do e kuptoni se keni gabuar dhe do kërkoni falje. Ju beqarët ka mundësi të filloni aventura të jashtëzakonshme, të cilat do iu bëjnë ta dashuroni akoma më tepër jetën. Në punë nga ana tjetër do jeni më të gatshëm për të vazhduar me projektin që keni nisur dhe nuk do trembeni as nga sfidat që do iu dalin. Buxhetin menaxhojeni me sa më shumë kujdes dhe maturi sepse vetëm kështu situata do mbetet e mirë.
Peshorja
Marsi do vërë në rrezik gjithçka sot. Do jeni më kokëfortë nga sa duhet dhe nuk do hapni rrugë aspak. Për ju të dashuruarit e sotmja do jetë elektrizuese. Në shumë momente do debatoni ashpër edhe për gjëra pa vlerë dhe do bini në mendime të thella. Ju beqarët do keni plot takime, por asnjë nga personat nuk do iu tërheqë aq shumë sa për të filluar një marrëdhënie. Në punë do përballeni me një dilemë të veshtarë. Më mirë merrni pak kokë para se të vendosni përfundimisht. Në planin financiar gjendja do jetë goxha më e mirë pas gjithë përpjekjeve dhe masave strikte që keni marrë.
Akrepi
Gjatë kësaj dite do përjetoni emocione kontradiktore dhe shpesh nuk do dini as se si të veproni. Ju të dashuruarit nuk do bëni aspak lëshime dhe do doni që partneri të bëjë ekzaktësisht atë që ju dëshironi. Nëse jeni beqarë, duhet ta lini veten të lire dhe duhet të përfitoni sa më shumë nga ftesat dhe propozimet që do iu bëhen. Në punë duhet të përqendroheni tek gjërat thelbësore dhe të ecni me më shumë besim tek vetja. Ju mund t’ia dilni më së miri. Në planin financiar duhet të bëni shumë kujdes me sjelljen, pasi çdo hap i gabuar mund të sjelle pasoja të renda për të ardhmen.
Shigjetari
Shpesh do e keni të vështirë të ruani koherencën sot dhe do bëni gabime të herëpashershme. Ju që jeni një lidhje keni për të pasur një dite problematike. Debatet me partnerin do jenë të vazhdueshme dhe ndonjëherë për gjëra pa rëndësi të madhe. Ju beqarët do keni veçse mundësi për aventura kalimtare, ndërkohë që për dashurinë e madhe duhet ende të prisni gjatë. Në punë dita do jetë tejet e ngarkuar dhe e lodhmë. Në ndonjë moment mund të mërziteni, por mirë është të mos e lëshoni vetën. Në planin financiar do jeni gjithmonë të logjikshëm dhe nuk keni për të pasur aspak tronditje.
Bricjapi
Saturni do ju ndihmojë të ruani kontrollin në çdo situatë dhe për fat do shmangni problemet. Për ju të dashuruarit do mbretërojë qetësia, mirëkuptimi dhe bashkëpunimi. Do bëni gjithçka që marrëdhënia në çift të zbukurohet akoma më shumë. Ju beqarët do keni një ditë më të ekuilibruar. Do dini gjithë kohës si të joshni dhe me shumë gjasë do filloni edhe një lidhje. Në punë nuk duhet t’i lini gjërat të rrjedhin vetë, por duhet të bëni edhe më shumë përpjekje. Në këtë mënyrë do ju hyjë edhe më në zemër projekti i ri. Me shpenzimet do jeni kurdoherë të matur kështu që do e mbani situatën nën kontroll.
Ujori
Gjithçka do jetë në lëvizje gjatë kësaj dite dhe mund t’iu ndodhin gjëra që nuk i kishin imagjinuar. Ju të dashuruarit do keni një ditë të mbushur me ndryshime të shpeshta. Herë do dashuroheni me qetësi e herë do debatojnë me vrull. Ju beqarët do keni takime shumë të këndshme dhe do mund të ndiheni edhe gati për të hedhur hapa më tej. Për ju pasditja do jetë akoma më e këndshme. Në punë do iu jepet një datë kur duhet ta përfundoni një detyrë dhe do gëzoheni. Nuk do jeni më aq në stres sa disa ditë më parë. Me shpenzimet duhet të jeni më të kujdesshëm në mënyrë që ta mbani situatën financiare të stabilizuar.
Peshqit
Nëse bëni përpjekjet e duhura gjatë kësaj dite mund të vijnë edhe ndryshimet e mëdha që keni pritur. Nëse keni një lidhje dhe doni që jeta juaj të jetë e bukur, duhet t’i përkushtoheni më tepër partnerit dhe të bëni gjëra sa më të veçanta. Rutina mund të shkatërrojë gjithçka. Ju beqarët duhet t’i bëni sytë katër në çdo vend që do shkoni sepse personi ideal mund të shfaqet kudo dhe kurdoherë. Në planin profesional gjërat kanë për të ecur më së miri dhe do ndiheni më krenarë për veten. Sektori i financave do jetë i qëndrueshëm, por jo aq sa për të bërë investime gjigande.
