Për Alvaro Morata-n, aventura sportive me fanellën e Milanit filloi mirë. Por në planin personal gjërat janë shumë ndryshme.
Futbollisti spanjoll, në një intervistë për një program televiziv spanjoll tha se ishte i “shkatërruar” nga ndarja nga Alice Campello.
Lajmi se i kishte dhënë fund martesës nga nëna e katër fëmijëve të tij u bë publik nga vetë 31-vjeçari në një postim në rrjetet sociale.
Lexo edhe:
Mes arsyeve që çuan në ndarjen e tyre pas 7 vitesh martesë, ishte edhe refuzimi i Alice Campello për t’u zhvendosur në Itali.
“Alice donte të qëndronte në Spanjë, nuk donte një zhvendosje tjetër”, u shpreh futbollisti, duke hedhur poshtë çdo aludim se e ka tradhtuar.
“Unë kurrë s’e kam tradhtuar, ajo është gruaja më e rëndësishme në jetën time”, tha lojtari spanjoll.
Megjithatë, ai bëri të qartë se vendimi i marrë është (të paktën për momentin) i parevokueshëm.
“Jam shumë i qartë, marrëdhënia ka mbaruar”, tha ai, “Ne kemi një marrëdhënie të shkëlqyer për mirëqenien e katër fëmijëve tanë, edhe nëse nuk ka kthim.”
Një krizë që kishte kohë që vazhdonte, të cilën çifti preferoi ta përballonte në mënyrën më drastike dhe të dhimbshme, por në të njëjtën kohë duke shmangur një zvarritje që do t’i bënte gjërat edhe më keq.
“Të dy e kishim të qartë se preferonim t’i jepnim fund martesës”, shtoi Morata, duke nënvizuar megjithatë se ishte i “shkatërruar” nga ajo që ndodhi.
Ndërkohë 29-vjeçarja tha për Marca se: “Ne jemi dy të rinj, të dy kemi qenë të papjekur për të menaxhuar situata të caktuara, kemi shumë fëmijë, momente paqëndrueshmërie për të qenë nga një vend në tjetrin. Depresioni im pas lindjes ka ndikuar dhe nuk na ka lejuar të menaxhojmë disa situata mes nesh.”
Ndërsa thashethemet për tradhti nga ana e futbollistit, ajo i hodhi poshtë ndërsa u shpreh: “Ne e duam njëri-tjetrin pafundësisht, dashuria nuk mbaron në një ditë! Ne e respektojmë shumë njëri-tjetrin dhe asgjë nuk do të ndryshojë. Është ajo që na duhej të dyve tani, megjithatë, e di që Alvaro do të vriste për mua.”
