Shi dhe ngrica, ja si do të jetë moti për javën që vjen

Ditë pranverore trokitën në vend këtë fillim shkurti.

Moti me diell i këtyre ditëve do të pasohet nga ditë me reshje shiu dhe rrebeshe, bën të ditur Shërbimi Meteorologjik Ushtarak.

Reshjet do të përfshijnë vendin dy ditët e para të javës me intensitet mesatar. Në qarqet Shkodër e Gjirokastër reshjet do të arrijnë përkohësisht  intensitet të lartë.

Lexo edhe:

MOTI SOT/ Vijojnë temperaturat e larta në vend

Sot vala afrikane arrin kulmin, ja sa pritet të shkojnë temperaturat

Temperatura të larta, Shqipëria pritet të ‘përvëlohet’, ja sa do të shënojë termometri ditën e nesërme

Vranësira dhe orë me diell parashikimi i motit për ditën e sotme, ja zonat ku do të ketë reshje

Ndërprerje e përkohshme e tyre parashikohet ditën e mërkurë, për tu rikthyer sërish ditën e enjte me intensitet të ulët e lokalisht në formën e shtrëngatave.

Në majat e maleve reshje bore.

Situatë krejtësisht e ndryshme do të vijë ditën e premte, pasi pritet depërtimi i rrymave të ftohta.

Këto do të sjellin mot të kthjellët, por me ngrica në zonat malore e ato kodrinore.

Era, do të fryjë nga kuadrati i jugut e vrullshme përgjatë bregdetit dhe zonave luginore. Ditën e premte do të mbizotërojë erë veriore. Valëzimi këtë javë pritet të arrijë deri në forcën 6 ballë me lartësi vale deri në 2.5m në brigjet detare.