Viti i ri nisi me diell dhe kohë të qëndrueshme, por nga sot moti do ndryshojë. Reshje shiu dhe dëbore priten prej mbrëmjes së sotme dhe në fundjavë.
“Më të shumta reshjet do jenë në Shkodër dhe Lezhë. Edhe jugu, Vlora do ketë rrebeshe. Nuk mund të themi që do jetë problematike sepse janë të përkohshme”, tha Lajda Porja.
Kjo do sjellë edhe rënie të temeraturavë gjatë natës së sotme në zonat malore, ndërsa në mëngjes ka rrezik për ngrica.
Lexo edhe:
“-3,-4 temperaturat në zonat malore, zgjerohet harta e dëborës e gjithë zona lindore do kenë reshje dëbore. Janari krejt ndryshe nga Dhjetori do të jetë më i ngrohtë se normalja, 17-18 gradë.”
Të dielën reshjet pritet të ndërpriten dhe temperaturat të rriten, për t’u ngjitur deri në 17 gradë. Dy javët e para të muaji Janar parashikohen të ngrohta dhe të lagështa, ndërsa pjesa e dytë me mot më të thatë dhe më të ftohtë.
