Einxhel Shkira gjatë qëndrimit të saj në Big Brother Vip Albania u dallua për karakterin e saj të fortë dhe luftarak. Pas një izolimi 4 mujor, shpesh banorët e kanë të vështirë të përshtaten lehtë me realitetin jashtë pasi dalin nga shtëpia.
Por Einxhel, e ftuar në ‘Why?Not’ ka treguar se për të nuk ka qenë aspak e vështirë pasi doli nga shtëpia.
Einxhel Shkira: Kur takoj njerëz më shohin dhe më pyesin a je mirë. Po mir jam i them unë. “Je e sigurt që je mirë”, po mirë më duket vetja tani. Ke shkuar te ndonjë psikolog? Jo nuk kam shkuar te ndonjë psikolog. Është e vërtetë që pas Big Brother, ehe në ata të viteve më parë, që pa pasur banorë të cilët kanë pasur një fazë pak traumatike post BB.
Ai përjetimi me realitetin kur del, që është një realitet ndryshe nga ai që ke lënë, ndoshta gjërat që ke gabuar aty brenda dhe sheh që janë përgojuar ose janë folur nga gjithë shqiptarët dhe nuk është më një gjë personale e jotja. Një kompleks që ti ke pasur shikon që është komentuar masivisht ose je bullizuar masivisht. Kështu që nuk është e lehtë.
Për mua nuk ka qenë aspak e vështirë, kam qenë shumë e lumtur që po dilja, mezi prisja të isha në botën time jashtë, të filloja me gjërat e reja që do gjeja. Ndoshta ka qenë e lehtë se kam pasur dhe Dagzin që më priste jashtë. Ai ishte ambientua sepse kishte dalë para meje dhe ma ka bërë më të lehtë.
