Saimir Kasemi u bë kryefjala e mediave rozë pas angazhimit të tij në emisionin “Love Story’, ku ishte edhe personi protagonist që do të zgjidhte një vajzë për të krijuar një lidhje dashurie jo vetëm në program por edhe në vijim.
Pas përfundimit të spektaklit, “princi modern” ka marrë vëmendjen për jetën e tij private, e cila duket se tanimë nuk ka më asnjë lidhje me atë të Merit dhe çifti nuk ndajnë më publikisht momente bashkë e madje as nuk flasin për ‘lidhjen’ e tyre sikurse vepronin më parë.
Ndërkaq Saimir i është futur politikës shqiptare dhe këtë e ka bërë vetë të ditur me anë të një postimi në llogarinë e tij personale në ‘Instagram’, ku ndau një foto të kandidatit për deputet në Qarkun e Shkodrës.
“Votoni për të ardhmen tonë”, shkruan Kasemi, i cili në fakt jetën e tij e ka ndërtuar jashtë Shqipërisë dhe zotëron disa biznese në shtetin gjerman, shkruan Descript.al.
Mirëpo, pas lajmeve që nisën të qarkullojnë për të, Kasemi ka vendosur të reagojë me anë të një mesazhi ‘të koduar’.
