Ledjana Prenga, e cila u bë e njohur për publikun me pjesëmarrjen e saj në reality show-n “Për’puthen”, ishte sot e ftuar në studion e emisionit “Goca dhe Gra”.
Gjatë bisedave në lidhje me jetën e saj profesionale dhe private, Ledjana u bë gjithashtu edhe pjesë e lojës më të re, “Ruleta e celularit”.
Fillimisht Prengës i ra si dënim që të merrte në telefon ish-konkurrentin e “Për’puthen”, Mevlan Shaba, me të cilin ka pasur takime të shumta në program. Ajo duhej ta telefononte dhe ta ftonte për kafe.
Lexo edhe:
Por Ledjana refuzoi që ta bënte një gjë të tillë, duke thënë se i ka bërë bllok gjithandej. Edhe kur Tea i tha e kam unë numrin e telefonit, ajo tha: “Ai mund të jetë duke e ndjekur emisionin, Mevlan nuk dua asnjë kafe me ty”.
Duke qenë se këtë nuk e realizoi, Ledjana hapi një tjetër zarf ku në të kishte të shkuar që t’i bënte një mesazh ish-konkurrentes, Antonela Berisha, me të cilën ka pasur debate të forta në “Për’puthen”.
Ledjana tha se edhe asaj i ka bërë bllok, por që do t’i shkruante te “Instagram”-i që Antonela përdor për punën, pasi do ta lexojë edhe aty.
“Antonelës do t’i shkruaj te “Instagram”-i që përdor për punë, pasi edhe asaj i kam bërë bllok. Te një intervistë ajo kishte thënë se mbase do të më bënte shoqe, më doli në TikTok ai fragmenti”, tha Prenga.
Ndërkohë në mesazh ajo i shkruan: “Çkemi, si je? Jam Ledjana. Pashë një intervistë tënden ku thoshe se mund të ishim shoqe. Kur të jemi ndonjëherë përballë mund të takohemi e sqarohemi. Të uroj shumë suksese në punën tënde”.
