Vendi ynë do të mbetet nën dominimin e masave ajrore të ngrohta me origjinë oqeanike duke sjellë mbizotërim të motit të vranët POR të ngrohtë; herë pas here priten intervale të shkurtra me kthjellime; Orët e pasdites dhe mbrëmjes do të sjellin shpeshtim të vranësirave në të gjithë vendin POR më të fokusuara vranësirat do të jenë në zonat veriore dhe verilindore duke gjeneruar rrebeshe të izoluara shiu gjatë orëve të vona të natës.
Kosova
Masat ajrore të ngrohta; do të dominojnë kushtet atmosferike edhe në Republikën e Kosovës duke bërë që paraditja të jetë nën ndikimin e motit të kthjellët dhe vranësirave kalimtare ndërsa në pjesën e dytë të ditës; vranësirat do të shtohen në të gjithë republikën e Kosovës; më të theksuara në zonat kufitare me Shqipërinë; Temperaturat e ajrit do të rriten ndjeshëm si në mengjes edhe në mesditë duke luhatur vlerat ditore nga 7°C vlera minimale deri në 22°C maksimalja në rang territori. Era do të fryjë mesatare por herë pas-here e fortë duke arritur shpejtësinë mbi 55 km/h nga drejtimi kryesisht jugor.
Lexo edhe:
Maqedonia e Veriut
Maqedonia e Veriut, që në orët e para të ditës do të jetë nën mbizotërimin e kthjellimeve dhe vranësirave të shpeshta; më të dukshme vranësirat do të jenë në zonat veriore dhe veriperëndimore; Po ashtu; gjatë pasdites dhe mbrëmjes vranësirat do të mbeten prezent në një pjesë të mirë të territori të Maqedonisë së Veriut por nuk priten reshje; Ndërkohë; Temperaturat e ajrit do të rriten në të dy vlerat ekstremale ditore duke u luhatur nga 7°C vlera minimale deri në 25°C vlera maksimale në rang territori. Përsa i përket parametrit të Erës; do të fryjë mesatare deri e fortë, përgjatë gjithë ditës duke arritur shpejtësinë mbi 50 km/h nga drejtimi permanent jugor.
Evropa
Zhvillimi i një qëndre të fuqishme Ciklonare përkatësisht në verilindje të kontinentit Europian me ndikim deri në Alpet e Europës; do të diktojë kushte të paqëndrueshme atmosferike në; Europën Lindore, rajonin e Balltikut si edhe pjesërisht në Qendër duke sjellë; reshje shiu e dëbore. Po ashtu; me vranësira; rrebeshe shiu si edhe stuhi të forta ere do të ketë në ishujt Britanikë dhe gadishullin Apenin ndërsa pjesa tjetër e kontinentit Europian do të paraqitet nën ndikimin e masave ajrore me origjinë Oqeanike duke kushtëzuar; mot të kthjellët; vranësira të shpeshta si edhe temperatura relativisht të larta.
