Gazetarja e njohur, Anita Haradinaj, bashkëshortja e Ramush Haradinajt, ka nisur një rrugëtim më ndryshe në televizion, duke u bërë pjesë e spektaklit të këcimit “Dance Albania.”
Pas performancës së parë kur u pyet se si e lejoi bashkëshorti i saj, kryetari i AAK, që të merrë pjesë në këtë kërcim, Anita tha: “Si më la Rambo? Këtë pyetje ma kanë bërë të gjithë. I thashë po të ishe dashuruar para meje me një balerinë si do ja bëje? Do e kishe lënë dhe s’do e kishe marrë për grua? Kam një jetë që punoj në televizion. Kam 23 vjet në televizion më ka mbështetur në të gjitha projektet e mia dhe me mirëkuptimin e atij jam sot këtu. Edhe ai nëse nuk ka kohë të më shohë, janë fëmijët duke më parë”.
Në puntatën e radhës kur u ngacmua për politikanin, Haradinaj tha që partneri i saj nuk është i xheloz pasi po të ishte nuk do ta prekte këtë skenë.
“Po të ishte ai xheloz unë nuk do të isha këtu dhe po të isha unë xheloze nuk do ia kisha dhënë gjithë jetën atij, kështu që bëje balansin vetë tani”, shtoi ajo.
