Aktorja e njohur, Eliona Pitarka, i ka dhënë fund beqarisë. Ajo ka kurorëzuar në martesë dashurinë me partnerin e saj.
Në rrjetet sociale janë publikuar edhe pamjet e para nga dasme private e saj. Eliona ka zgjedhur një fustan elegant të ngushtë dhe jo stil princeshe. Fustani është me krah të gjatë teksa nxjerr në pah dekoltenë e Elionës.
Aktorja ka zgjedhur që flokët t’i bëjë me onde teksa në kokë mban një aksesor me rruaza të bardha. Po ashtu, makeup-i i saj është natyral dhe minimalist.
Por jo vetëm kaq, pasi duket se aktorja ka ndryshuar edhe dy herë të tjera fustanin e nusërisë, ku njëri prej tyre ishte i shkurtër. Sakaq, për herë të parë është zbuluar portreti dhe identiteti i partnerit të saj.
Nga ana tjetër, në dasmën e Elionës ishin shumë personazhe të njohur të ekranit, ku përmendin kolegët e saj, Julian Deda, Visjan Ukcenaj, Turjan Hysko, Olsi Bylyku e të tjerë.
