Bashkëshortja e këngëtarit të ndjerë Shpat Kasapi, Selvije Kasapi, ka ndarë një mesazh të thellë e prekës disa ditë pas vdekjes së tij tragjike nga një ataku kardiak, duke prekur publikun me fjalët e saj plot dhimbje, dashuri dhe respekt për kujtimin e bashkëshortit.
“Unë, Selvije Kasapi, në nder dhe kujtim të përjetshëm për bashkëshortin tim të dashur, Shpat Kasapi, jap lejen që të publikohen dhe të transmetohen të gjitha këngët dhe videot që ai realizoi gjatë xhirimeve për festat e fundvitit në RTV Dukagjini Kosovë,” shkruan ajo.
Ajo thekson se këto pamje bartin frymën e fundit artistike të Shpatit—dritën e talentit të tij të lindur—të cilën dëshiron ta mbajë gjallë, edhe pse ai nuk është më fizikisht mes nesh.
Lexo edhe:
“Këto pamje janë fryma e tij e fundit artistike, drita e talentit të tij që dua të vazhdojë të jetojë, edhe pse ai nuk është më fizikisht këtu. Qofshin këto këngë dhe këto momente një kujtim i gjallë i shpirtit të tij të mirë dhe i dashurisë që ai la pas,” përfundon Selvija në mesazhin e saj prekës.
