Janë publikuar pamjet e para nga arrestimi i Dardan Krivaqa, i dyshuari kryesor për vrasjen e 18-vjeçares Marigona Osmani. Krivaqa është arrestuar në një fshat të Ferizajit dhe mbante një kapele në kokë për të mos u dalluar nga njerëzit pasi ishte i shpallur në kërkim.
Në videon e mëposhtme mund të shihni momentin kur Krivaqa mbërrin në ambientet e stacionit policor në Ferizaj pas arrestimit. Me kokën e ulur poshtë dhe pranga në duar, Dardan Krivaqa shoqërohet nga forca të shumta policie.
I riu nga Ferizaji u arrestua ditën e sotme pasi ishte shpallur në kërkim që prej ditës së dielë, kur Krivaqa në bashkëpunim me një persont tjetër lanë në ambientet e spitalit 18-vjeçaren e pajetë.
