Capital T është ofruar të paguajë shpenzimet e familjes për funeralin e 20-vjeçari jetim Musaen Zeneli, të vrarë dje në Velipojë, pasi nëna e tij nuk mund të përballonte koston e shpenzimeve.
Nga përplasja me armë mes pronarëve të hotel “Fantazia” dhe të hotel “Gocaj” mbetën të vrarë 4 persona ndërsa dy të tjerë u plagosën.
Në mesin e viktimave ishte dhe 20 vjeçari jetim, i cili sapo kishte filluar punën në hotelin Gocaj. Dita e parë e punës ishte fatale dhe rezultoi të ishte dhe dita e fundit e jetës.
“Unë jam gati t`i kryej të gjitha ritualet nëse ka nevojë vetëm të më shkruaj dikush nga familjarët në mesazhe”, shprehet Capital T.
