Këngëtarja e njohur, Fjolla Morina është liruar nga paraburgimi më datën 15 shtator. Ajo u arrestua në Prishtinë me 19 korrik duke u akuzuar për trafikim të armëve dhe municionit në Shqipëri.
Ndërkohë, gjykata ka refuzuar kërkesën e Prokurorisë për ekstradimin e saj në Shqipëri dhe këngëtares i është ndërprerë masa e paraburgimit.
Lidhur me këtë, këngëtarja sot bëri një reagim përmes një Instastory duke pozuar krahë avokatit të saj Fanol Krasniqi.
Lexo edhe:
“Faleminderit shteti im! Faleminderit Avokat: Fanol Krasniqi”, ka shkruar Fjolla, ku e buzëqeshur në një lokal.
Këngëtarja u shpall në kërkim ndërkombëtar nga Interpoli dhe arrestimi i parë i saj u bë në shtator të vitit të shkuar, në pikën e kalimit kufitar Morinë. Fjollës iu gjet një armë zjarri pistoletë tip “Zoraki” me 23 fishekë.
Pas arrestimit në Morinë ajo doli nga qelia, pasi gjykata e Kukësit vendosi për të masën “arrest shtëpie”.
Mirëpo, pas disa javësh këngëtarja u arratis dhe organizoi ceremoninë e martesës me partnerin e saj Fisnik Syla në Maldive. Megjithatë, së fundmi dyshohet për një ndarje të mundshme mes tyre.
