“Lamtumirë” ka trokitur bashkë me verën nën timbrin e artistit të njohur Alban Skënderaj.
Një projekt mjaft i veçantë që ndërthur elementë të emocionues të pafajësisë së një fëmije, kurajos, të panjohurës dhe frikës.
I gjithë videoklipi i krijuar nga Talelli Production i ngjan një filmi që nis me një frazë për tokën e braktisur prej dekadash ku nuk duket asnjë shenje jete.
Një astronaut i vogël shihet në një tokë me ngjyra të akullta e braktisur prej kohësh. Regjisorja e këtij projekti Zhaneta Byberi tregon për Vip Magazine muzën e videoklipit që i ngjan një filmi. “Astronauti nuk është vetëm…kudo pas tij e shoqëron krah i djathtë miku i tij i vogël, një robot rrumbullak”, shprehet ajo.
Atsronauti kërkon gjerë e gjatë për burimin e dhimbjes së tij dhe është në kërkim të ‘ilaçit’ që ta pushojë përgjithnjë duke arritur ndarjen që nuk kishte mundur ta bënte më përpara.
Një anë tjetër që e bën kaq të veçantë të gjithë projektin është mënyra si nis ai.
Në fillim të këngës teksti mungon. Kjo tregon Zhaneta Byberi është bërë për t’i lënë hapësirë publikut për interpretime individuale, pasi një ndjenjë e tillë provohet shpesh nga secili prej nesh.
Byberi rrëfen për Vip Magazine se qëllimi ishte pikërisht që njerëzit ta kuptojnë jo vetëm emocionin që përcillet këtu, por edhe ndjenjat e fjetura që shpesh nuk arrijmë t’i kuptojmë.
Epo, kjo është arsyeja pse shpesh lidhemi pas këngëve, filmave, pikturave të ndryshme që na japin atë ndjenjë që vetë nuk arrijmë ta kujtojmë dhe as ta përshkruajmë me fjalë pa ndihmën e këtyre elementëve artistikë të jetës së sonë.
Ndoshta tashmë të gjithë u bëtë kuriozë për të ditur cila pjesë e tekstit është fshirë duke ju bërë ju ta ëndërroni secili në formën tuaj:
… dhe pasi të të them lamtumirë,
do marr krahët që më ke dhënë,
dhe me to do fluturoj.
Shijojeni
