Fenomeni Big Brother kaloi çdo imagjinatë.
Mjaft informacione të pasakta kanë qarkulluar duke çuar nivelin e dizinformimit në nivele të paprecedenta në disa media që u mungoi totalisht profesionalizmi dhe gazetaria elementare.
Nga disa portale u raportua mes tjerash se çmimin e madh do t’ia japë Donaldit me helikopter Edi Rama në Vlorë.
Një gjë e tillë nuk ndodhi e as nuk do të mund të ndodhte.“Big Brother VIP” nuk duket se as ka qenë në axhendën e Kryeministrit.
Teksa të gjithë e prisnin të shkonte në Vlorë me helikopter, ai ka qenë në Mynih të Gjermanisë, në konferencën e sigurisë.
Në Gjermani, ai ka udhëtuar direkt nga Amerika ku zhvilloi një sërë takimesh. Pra, e thënë shqip, shumë zhurmë për asgjë!
