Këngëtari i famshëm, Nick Jonas, ka përfunduar në spital mbrëmjen e ditës së shtunë. Sipas mediave të huaja, ai është lënduar teksa ishte duke xhiruar një spektakël të ri.
TMZ shkruan se Nick ishte duke xhiruar kur diçka e papritur ndodhi, por që ishte shumë serioze, pasi ai është transportuar menjëherë me ambulancë për në spital.
Burimet nuk kanë bërë ende të ditur se për çfarë incidenti bëhet fjalë dhe si ka ndodhur gjithçka.
Megjithatë është bërë me dije se gjendja shëndetësore e këngëtarit dhe aktorit të njohur është e mirë. Burimet kanë treguar mbrëmjen e së dielës se Nick është kthyer sërish në shtëpi dhe do të shfaqet ditën e sotme në spektaklin “The Voice”, ashtu siç ishte planifikuar.
Ka diçka shumë të fshehtë për incidentin në të cilin u përfshi Nick. Askush pranë tij nuk ka preferuar të japë detaje, duke u përpjekur që ta mbajnë sekret projektin në të cilin po punon Nick. Ende nuk është e qartë sepse të gjithë tregohen kaq të misterioz dhe nuk zbulojnë asgjë.
Kujtojmë se prej gati 3-vitesh Ncik Jonas është i martuar me aktoren simpatike Priyanka Chorpa. Dasma e tyre e organizuar në fund të vitit 2018-të bëri bujë të madhe dhe u kthye në kryefjalën e të gjitha mediave.
