Çdo ditë po shënohen raste të reja ngacmimesh seksuale ndaj vajzave të mitura. Një tjetër ngjarje u regjistrua në një shkollë në Stropckë të Pogradecit ditën e sotme, ku drejtori i shkollës ngacmoi seksualisht dy 14-vjeçare.
Në bazë të informacioneve që mori policia, ka mundur të zbërthejë në prani të psikologeve dy vajzat e mitura të cilat kanë pranuar se drejtori u ka bërë shenja gjatë mësimit.
Sipas burimeve mësohet se në fillim ka qenë vëllai i njërës prej vajzave që ka parë mesazhet e cila i kishte prindërit në Greqi dhe shqetësohej me thirrje telefon në mesnatë.
Menjëherë pas kësaj i vëllai ka shkuar të godasë drejtorin, ndërkohë ky i fundit të nesërmen e ka thirrur për t’i kërkuar ndjesë.
Drejtori i ngacmonte vajzat në klasë duke iu bërë shenja, kafshime buze dhe ngacmime në oborr të shkollës.
Vajzat nuk e kanë pasur të regjistruar numrin me emër dhe kjo është në verifikim, por para psikologut kanë thënë se ishte drejtori. Koha e ngacmimeve ka zgjatur 3 javë deri në 1 muaj. Drejtori është pezulluar nga puna.
