Këngëtari i njohur shqiptar, Ledri Vula, foli sot për ndarjen nga partnerja e tij dhe eksperiencën e tij si baba i ndarë.
Në një intervistë për rubrikën “Galeri” në Top Channel, këngëtari tha se as vetë ai nuk e di se si përfundoi i ndarë nga partnerja, ndërsa tha se me Sarën ka raporte shumë të mirë për hir të vajzës së tyre, Poit.
Ledri tha se ka një raport miqësor me Sarën. “Ne jemi shokë akoma me Sarën dhe bëjmë gjithçka për Poin”, u shpreh këngëtari.
Ledri Vula: Eksperincë shumë e bukur po them lindja e Poit është dita më e veçantë në jetë, vitet që po fluturojnë më shpejt. Kur e sheh të voglën tu u rrit nuk po e merr vesh se sa shpejt kalon koha. Ka qenë një eksperiencë shumë e bukur…Nuk e di.. ka gjëra të pashpjegueshme, gjërat ndodhin, nuk jam as i pari as i fundit. Me rëndësi është qysh e vazhdon, ne kena një raport shumë të mirë. Ne jemi shokë akoma me Sarën dhe bëjmë gjithçka për Poin.
Kujtojmë se disa ditë më parë Ledri Vula u kap “mat” nga paparazzi bashkë me ish-partneren e tij, Sara Hoxha, dhe të bijën. Takimi mes tyre ndodhi për një arsye të fortë. Ish-partnerët u takuan sepse Ledri do të merrte vajzën e e tij për ditëlindje.
