Janë zbardhur detaje nga atentati në Astir, ku ndërruan jetë dy persona.
Erigers Mihasi, 32 vjeç e Armando Dumani, 26 vjeç ishin ulur në një bar kafe në zonën e Astirit, pak para se të ekzekutoheshin.
Mësohet se dy të rinjtë, pasi kanë dalë nga lokali, janë futur në parkingun ku kishin lënë mjetin e llojit “Audi” me ngjyrë të bardhë e me targa “AB 008 EM” dhe kanë dalë në rrugë kryesore.
Lexo edhe:
Sapo janë afruar pranë semaforit dhe po prisnin që të pulsonte jeshilja, atentatorët kanë shfrytëzuar momentin dhe kanë qëlluar drejt tyre me breshëri kallashnikovi.
Mihasi ishte drejtues, kurse Dumani pasagjeri, por në ato momente të dy humbën kontrollin.
Mjeti, sipas pamjeve duket se ka ecur disa metra në gjendje të lirë e më pas është përplasur me bordurën anësore.
