Einxhel dhe Dj Dagz nisën një histori dashurie brenda shtëpisë së Big Brother VIP. Mbrëmjen e djeshme, Vëllai i Madh kërkoi që me fillimin e muajit të dashurisë të tregojnë rrëfime nga jeta e tyre. Einxhel vendosi të flasë për raportin e krijuar me Dj nga Kosova brenda shtëpisë së famshme.
“Jam ndjerë shumë komode të flas me Dagzin. Dhe kam dashur që ai të shikojë anën time të keqe, ata që për meshkujt e tjerë ka qenë problem kam dashur që Dagzi të shoh këtë pjesë dhe të shoh nëse do të jetë në rregull me këtë. Çdo pritshmëri që unë kam pasur te meshkujt Dagzi i ka hedhur vetëm me mirësinë dhe mirësjelljen e vet.
Asnjë tipar që kam pasur te koka ime që duhet t’i ketë mashkulli që do të kem në krah nuk i ka pasur, por Dagzi i ka hedhur poshtë të gjitha ato. Thashë ndoshta unë gjithë jetën kam kërkuar tipin e gabuar, ndoshta kam kërkuar një mashkull që është i fortë njësoj siç kam karakterin, por ndoshta ky është problemi sepse një karakter si unë vetëm do të përplasesha me atë”, tha ajo.
