Këngëtarja shumë e dashur për publikun, Greta Koçi është gjithmonë shumë e rezervuar për jetën private, duke mos ndarë detaje me fansat.
Mirëpo së fundmi, në media të ndryshme, po përflitet se artistja ka gjetur dashurinë dhe madje e ka zyrtarizuar.
Thuhet se ajo ka kohë që është fejuar, por këtë lajm e ka mbajtur të fshehtë. Sakaq, është bërë e ditur se djali që i ka rrëmbyer zemrën është nga Austria, vend në të cilin Greta po jeton prej kohësh. Madje mendohet se çifti do t’i japin fund beqarisë duke u martuar së shpejti.
Për partnerin e Gretës nuk ka ende asnjë detaj, por sipas informacioneve ai e mbështet këngëtaren plotësisht në profesionin e saj dhe madje e shoqëron në koncerte.
